منوعات

الجريمه اللتى جعلت الشيطان يصفق لاب وام يقتلان بناتهم بطريقه بشعه 

قصة عادية في اي حي سكني بأختصار واحد اسمه احمد عبد القادر عنده ٣١ سنة عايش في شقة ايجار في المرج من ١٠ سنين جار هادي الطباع عادي زيه زي اي جار ليك ليه صحاب وحياة عادية العادي يعني شغال فرد امن في المدن الجديدة انسان عادي جدا

احمد لما الحياة قفلت في وشه ومش لاقي يصرف علي نفسه شقط ست عايشة لوحدها عندها ٦٥ سنة اسمها هالة

 واتجوزها عشان تصرف عليه من الالف للياء وطبعا مخلفش منها ولا عاش رجولته عليها الجيران كانوا فاكرينها امه اصلا

بعدها اتعرف علي بنت في نفس سنّه اسمها ايمان حبته عشان كلامه ولسانه وبتاع وعادت اهلها وقاطعتهم عشان تتجوزه لدرجة ان ابوها نات واخواتها قاطعوها واتجوزته في الاخر وقعدها في شقة في نفس العمارة مع مراته القديمة وخلف منها بنتين ٣ سنين وسنتين

المشكلة بدأت زي اي مشكلة ما بين ضرتين دي القديمة المسيطرة ودي الجديدة اللي خلفتله عيال بس القديمة اللي عندها ٦٥ سنة للاسف مش بني ادمة الغيرة كانت مخلياها تقوّم سبع البرمبة علي مراته التانية عشان يهينها ويضربها ويطردها ويلبسها نقاب ويمنع عنها المصروف الي اخره وهوا الفلوس بالنسباله الاهم اصله قاعد بفلوسها في شقتها وكدة فا كان بيسمع كلامها وكل ده كان عادي

لحد ما الامور بينها وبين مراته التانية اتطورت شوية فا الست هالة مراته الاولانية قدمتله عرض جميل جدا قالتله انها هتكتبله شقتها الملك بأسمها وهتديله فلوس يجيب مكروباص يشتغل عليه ويسيب المرمطة بس بشرط واحد

لا متطلقش مراتك دا كلام قديم ده ربنا ميرضاش باني اخرب بيوت يا حبيبي لا انا كل القصة مش عايزة عيالك البنات اللي من مراتك التانية يورثوا فلوسي اللي هسيبهالك طب اعمل ايه اقتلهم

البدايه

اي حد مكانه كان ضربها قلم اتعصب سكت شوية حتى لكن احمد كل همه كان انه لو عمل كدة مراته هتبلغ عنه وهيتسجن قالتله متخافش دي عيال ملهاش شهادات ميلاد ولا بطايق محدش هيسأل عنهم فا قعدوا فكروا واتفقوا انهم يخلوا ام البنات هيا اللي تعمل كدة ويصوروها وهيا بتقتلهم اهو يضمنوا انها متتكلمش

وفعلا دخلوا الشقة عليها وبدأوا يهددوها ويقنعوها بالضرب والكلام انه يا اما تعمل كدة يا اما هيرموها في الشارع فالست عشان ملهاش حد برة وخايفة تترمي في الشارع وافقت فالست هالة العجوزة جابت طشط بلاستيك ملته ميّة وحطت كمان عالمية بطاس واحمد مسك الموبايل وفتح الكاميرا ويالا بقا يا ايمان غرقيهم

ايمان بكل اريحية اخدت اول بنت ٣ سنين تعالي يا حبيبتي ومسكت راسها وراحت مغطساها في الطشط اللي فيه مية وبطاس غرقت ووشها اتحرق قبل ما تغرق بعدها ندهت علي بنتها التانية وغرقتها خلصوا تصوير وقاموا حاطين الجثتين في شنط سفر كبيرة بتاعت هالة العجوزة ونزلوا بعد ما ربطوا ايمان وكمموها عشان متصرخش وخدوا الشنط ورموا الجثتين في الرشاح وجابوا كشري وطلعوا كلوه قدام ايمان وناموا عادي

الكلام ده كان من سنة ونص تحديدا رمضان قبل اللي فات وعدت القصة ومحدش سأل والدنيا عدت لكن ايمان اكتشفت انها حامل تاني فا حاولوا يجبروها علي التسقيط ويضربوها ويعذبوها عشان تسقط كانوا بيقطعوا من جسمها بالسكينة وهيا كانت بتحاول تسقط وفشلت

فا استنوا لحد ما ولدت وكرروا العملية طشط مية ببطاس وتصوير والرشاح في فترة الحمل دي كانت العمارة اتباعت لواحدة صغيرة اسمها ام بسملة وجوزها ظابط وكانوا عايزين يفضوا الشقق الايجار فا طلبوا من احمد يفضي الشقة عشان مش هيجددوا العقد

طبعا ايمان مكانتش بقت متزنة عقليا يعني وباين الهززان عليها لكنها كانت منقبة فا مش باين اوي لكن صاحبة العمارة لاحظت ان الحمل راح وان ايمان مبقتش بتشوف اتعمت وفي مرة دخلت شقتهم وشافتها من غير نقاب كانت اثار التعذيب واضحة علي يدها

وجا يوم هالة دي قررت انها تخلي جوزها يطرد ايمان برة الشقة كنوع من السيطرة خلاص فا صاحبة العمارة اللي هيا في الصورة دي شافتها قاعدة قدام باب الشقة بتخبط وتقول خلي احمد يدخلني وبتعيط فا صعبت عليها واخدتها ام بسملة لشقتها ولاحظت اثار التعذيب عليها وتوترها المبالغ فيه فا طلبت منها تحكي يمكن تساعدها

وحكت ايمان حكت انهم اجبروها تقتل عيالها وانهم صوروها حكت علي اشكال التعذيب اللي شافته بالسكين والحرق علي جسمها كله حكت انه خزقلها عينيها الاتنين اه والله صفالها عينيها ومبقتش بتشوف حكت كل ده وعادي بتطلب منها تحللها مشكلة الشقة الايجار

طبعا ام بسملة كلمت جوزها وكلموا قسم المرج وجه قبض علي احمد وهالة وايمان واعترفوا بالجريمة وموبايله كان متصور فيه الفيديوهات

حسبنا الله ونعم الوكيل

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*