منوعات

الكبير اوى الجزء السادس 2022 ليه الكبير احلى مسلسل كوميدي شوفناه في حياتنا

الكبير اوى الجزء السادس 2022 ليه الكبير احلى مسلسل كوميدي شوفناه في حياتنا

١- مسلسل لايوجد به حلقه واحده متضحكش كل الحلقات صريخ ضحك

٢- كل الشخصيات يعتبر افضل دور لهم على الإطلاق و تحدي 

الكبير و جوني و حزلقوم لأحمد مكي 

هديه احسن دور لدنيا 

دكتور ربيع احلى دور لبيومي 

فزاع و هجرس و بعزق و أشرف 

٣- حتى ضيوف الحلقات كانت من احلى الأدوار ليهم 

٤- من احلى و اجمل الحوارات اللي اتكتبت في تاريخ المسلسلات منفصلة الحلقات 

٥- اللغه الصعيديه كانت مظبوطه ولا يوجد بها غلطات و ذلك لأنهم جابوا مصحح لغه على أعلى مستوى 

٧- تتر البدايه و النهايه معمول صح سواء مزيكا او كلمات او توزيع 

٨- ديكور مناسب لأجواء الصعيد 

٩- في حلقات كتير لا يمكن حد يعرف يعملها غير فنان موهوب زي مكي مثال حلقات مصيف البورتو و كمان حزلقوم في الفضاء و كل الأجزاء من الاول للخامس أجزاء نجحت و لم تفشل

١٠ - اخر سبب لو حد مش مقتنع هو عافيه بقى احلى و اجمل و أفضل مسلسل كوميدي و ناجح بكل اجزاءه

الكبير اوى فعلا 

مهما تسمع حلقاته متزهش منها 

وخصوصا حلقات المزاريطة جوت تالنت 

احمد مكي مبدع. من احسن المسلسلات مكى من احسن الممثلين مصر ومتنوع اخراج و افكار قصص تمثيل وغناء نادرا لما تجد موهوب زيه. 

ومن اصعب ادوار التوأم لان كل شخصيه مختلفه عن التانيه بنسبة ١٠٠٪ كل شخصيه ليها طريقتها وأسلوبها وأفهاتها واستحالة تقتنع أنهم شخص واحد.

مكى اجمل مافيه انه اظهر الشخصية الصعيدية خفيفة الدم الذكية القوية بدون استهزاء او ابتذال.

ملحوظة.

أهم نقطة في المسلسل فوق دة كله إنه مفيهوش لقطة واحدة تخدش الحياء.

نتمنى يبقى فيه مسلسلات كوميدي زي الكبير واحلى حاجة بتضحكني كان الدكتور ربيع وكل المشاهد لحد دلوقتي بتاعته بيتعمل عليها كوميكس ده كفاية بس افيه امك حامل وطبعا كفاية على مكي انه مثل اربع شخصيات في مشهد واحد وطول الموسم الرابع والخامس بيمثل بالتلات شخصيات وكان من اكتر الناس الي بتضحكني برضو هجرس وفزاع .

الكوميديا الذكية و الخفيفة دائما تفوز. و الفنان "مكي" موهوب بامتياز. عمل رائع و عائلي و خفيف الظل.

فعلا احلى مسلسل كوميدى لما بتفرج عليه تانى بضحك كانها اول مرة.

عن اللهجة الصعيدى فى المسلسل. 

شوفت قبل كده لقاء مع مصحح اللغة و ناس كتير بتشيد بالصعيدي اللي فيه و قريت تقرير إنه أصح عمل كوميدي صعيدي و من أصح ٥ أعمال في تاريخ الدراما المصرية في النقطة دي.

لهجه سليمه ولكن قديمه الاجيال الحاليه عندنا لاتستخدمها الا نادرا، وغير كده كل قرية لها لهجه وكل مركز له لهجه، الصعيد كبير جداً واحنا بنعرف بعض من اي ناحيه او جهه اول ما ينطق.

كلام حلو بس المسلسل عامل خليط مش لهجة صعيدية من بلد واحدة أو مكان واحد.

نص الصعيد وما اسمعتش حد بيتكلم بالخلطة بالمنظر ده.

ويقال من بعض الإخوة فى الصعيد لهجه احمد مكي في المسلسل لهجه صعيدية ثقيله ( لهجة فرشوط ابو تشت نجع حمادي) شمال محافظة قنا.

الكبير اوى

مسلسل متتحرجش تتفرج عليه مع اولادك مفيهوش اسفاف مفيهوش مشاهد خارجه.

و مافيش لفظ خارج و لا اي ايحاء سخيف.

مفيش لا قله ادب ولا خمرة ولا رقص ومشاهد زباله زي باقي المسلسلات.

فعلا 

احسن واحلي مسلسل كوميدي عربي 

لا منافس له.

بتمنى ينعطى حقو اكتر من هيك وينعرض ع اكتر محطات العربيه.

أحمد مكي موهوب جدا 

يمتلك احترافيه فنون مختلفه التمثيل بأنواعه  رقص غناء كمال اجسام كل ده واكثر شخص يمتلك الكثير من المواهب من المفترض ان يكون في لجنه تحكيم Arab got talent.

احمد مكى عظيم بمعنى الكلمه وبتبان عظمته جدا في حلقة فيس اوف لما جونى ب يحاول يقلد الكبير ومش بيعرف والكبير بيعمل العكس.

فى النهاية الكبير اوى افضل عمل كوميدى ممكن تتابع فى حياتك. 

شاهد ايضا» ماذا يقول هذا الرجل عن النبى 

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*