تصريحات وزير التعليم العالى بخصوص ازمة الطلاب العائدين من اوكرانيا هجوم واسع على الوزير بعد تصريحاته بشروط القبول
 |
| تصريحات وزير التعليم العالى بخصوص ازمة الطلاب العائدين من اوكرانيا هجوم واسع على الوزير بعد تصريحاته بشروط القبول |
مفيش مكان لهم فى الجامعات الحكومية
والالتحاق متاح بالخاصة والاهلية وباختبارات مسبقة وبشروط منها المجموع المناسب والمناظر اللى دخلوا به اقرانهم هنا فى مصر من البداية.
والطالب الذى التحق بجامعة فى اوكرانيا غير معترف بها مصريا ملوش مكان حتى فى الجامعات الخاصة
وكلنا عارفين كويس ان الالتحاق للدراسة فى اوكرانيا مش عشان تعليم احسن ولا غيره ولكن عشان القبول فيها بدون ضوابط وطلاب شعبة ادبية التحقوا بكليات الطب وبمجاميع لا تزيد عن ٦٠ فى الميه
اى منطق يساوى بينهم وبين طلبة حصلوا فى نفس السنة على نفس الشهادة الثانوية بمجموع فوق ال٩٥ الميه.
هجوم واسع على الوزير بعد تصريحاته بشروط القبول
واللى يحسبن واللى يدعى على الوزير ويتهموا الدولة بانها بتدمر وتضيع مستقبل ولادها.
لو حد ضيع مستقبله او مستقبل ولاده فعلا فهو الطالب نفسه او اهله اللى جازفوا بالحاقه بجامعات مجهولة وغير معتمدة وصمموا على كده لمجرد حصوله على لقب دكتور وهم عارفين كويس انه غير مؤهل علميا لدراسة الطب.
يعنى لو وزارة التعليم العالى كانت تهاونت فى شروط القبول.
كانت طلعت ناس تصرخ من عدم المساواة ورفعوا قضايا على الوزارة عشان تقبل ولادهم الحاصلين على مجاميع عالية وما قدروش يدخلوا بها طب اسوة بالعائدين من اوكرانيا.
الدولة مشكورة رجعتكم بلدكم معززين مكرمين بتحاول تسهل القبول والمعادلات لكن مش لدرجة انها تضيع قصادها حقوق طلبة تانيين او تقبلكم فى كليات انتم غير مؤهلين اساسا لها.
ولو مش عاجباكم الحلول المصرية عندكم مئات الجامعات المجهولة برده على مستوى العالم غير اوكرانيا حتديكم ورقة تعلقوها على الحيطة انكم دكاترة وكله بتمنه.
لاتنسى الاعجاب بصفحتنا عبر الفيس بوك لمتابعتة كل جديد وايضا من اجل التواصل معنا بشكل مباشر ومستمر.
تابعتواصل دائما مع اصدقاء يشاركونك نفس الاهتمامات وذلك من خلال متابعة صفحتنا الرسمية عبر تويتر.
تابعيسعدنا أن تكون احد افراد عائلة ومحبى قناة منوعات طريق الاشتراك فى قناتنا على اليوتيوب.
تابع